ವಿಟ್ಲ: ಅಟೋರಿಕ್ಷಾ ಹಾಗೂ ಸ್ಕೂಟರ್‌ ಡಿಕ್ಕಿಯಾಗಿ ಸ೦ಭವಿಸಿದ ಅಪಘಾತದಲ್ಲಿ ಅಟೋರಿಕ್ಷಾ ಪ್ರಯಾಣಿಕ ನಾಗೇಶ ಭಟ್ ಎಂಬವರು ಮೃತಪಟ್ಟ ಘಟನೆ ಬಂಟ್ವಾಳ ತಾಲೂಕು ಪೆರುವಾಯಿ ಗ್ರಾಮದ ಕಡೆಂಬಿಲ ಎಂಬಲ್ಲಿ ಸೋಮವಾರ ಸ೦ಭವಿಸಿದೆ.
ಸೋಮವಾರ ಸ೦ಜೆ ಮಹಮ್ಮದ್‌ ನೌಫಾಲ್‌ ಎಂಬವರ ಆಟೋರಿಕ್ಷಾದಲ್ಲಿ,ಆಲ್ಪೋನ್ಸಾ ಫರಾವೋ, ನಾಗೇಶ್‌ ಭಟ್ ಹಾಗೂ ಅಣ್ಣು ಎಂಬವರು ಪ್ರಯಾಣಿಸುತ್ತಿದ್ದು ಪೆರುವಾಯಿ ಗ್ರಾಮದ ಕಡೆಂಬಿಲ ಎಂಬಲ್ಲಿ ತಲುಪಿದಾಗ, ವಿನೋದ್‌ ಕುಮಾರ್‌ ಚಲಾಯಿಸುತ್ತಿದ್ದ ಸ್ಕೂಟರ್‌ ಅಟೋರಿಕ್ಷಾಕ್ಕೆ ಡಿಕ್ಕಿಯಾಗಿದ್ದು ಪರಿಣಾಮ, ಆಟೋರಿಕ್ಷಾ ಹಾಗೂ ಸ್ಕೂಟರ್‌ ರಸ್ತೆಗೆ ಮಗುಚಿ ಬಿತ್ತು. ಆಟೋರಿಕ್ಷಾದಲ್ಲಿದ್ದ ಆಲ್ಪೋನ್ಸಾ ಫರಾವೋ, ನಾಗೇಶ ಭಟ್, ಅಣ್ಣು ಗಾಯಗೊ೦ಡಿದ್ದು ಸ್ಥಳದಲ್ಲಿದ್ದ ಸಾರ್ವಜನಿಕರು ಗಾಯಾಳುಗಳನ್ನು ವಿಟ್ಲ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದುಕೊಂಡು ಬಂದಿದ್ದರು. ವೈದ್ದರು ಗಾಯಾಳುಗಳನ್ನು ಪರೀಕ್ಷಿಸಿ ನಾಗೇಶ ಭಟ್ ಅವರು ಮೃತಪಟ್ಟಿರುವುದಾಗಿ ತಿಳಿಸಿದರು.ವಿಟ್ಲ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿಕೊಂಡು ತನಿಖೆ ನಡೆಸಲಾಗುತ್ತಿದೆ.
