ಮಂಗಳೂರು : ನಗರದ ಅಂಬೇಡ್ಕರ್ ವೃತ್ತ ಮತ್ತು ಕೋಣಾಜೆಯಲ್ಲಿ ಮೋಟಾರ್‌ಬೈಕ್ ಕಳವು ಮಾಡಿದ್ದ ಆರೋಪಿಯನ್ನು ಮಂಗಳೂರು ಉತ್ತರ ಪೊಲೀಸರು ಬಂಧಿಸಿದ್ದಾರೆ. ಸುರತ್ಕಲ್ ಕೃಷ್ಣಾಪುರ ನಿವಾಸಿ ಅಬ್ದುಲ್ ಖಾದರ್ ಫಹಾದ್ ಅಲಿಯಾಸ್ ಫಹಾದ್ ( 25 ) ಬಂಧಿತ ಆರೋಪಿ. ಆರೋಪಿಯು ಆ.31 ರಂದು ನಗರದ ಅಂಬೇಡ್ಕರ್ ವೃತ್ತದ ಬಳಿಯ ಕೆಎಂಸಿ ಆಸ್ಪತ್ರೆಯ ಬಳಿಯ
ಪಾರ್ಕಿಂಗ್ ಸ್ಥಳದಲ್ಲಿ ನಿಲ್ಲಿಸಿದ್ದ ಹೀರೊ ಹೊಂಡಾ ಕಂಪೆನಿಯ ಮೋಟಾರ್‌ಬೈಕ್ ಹಾಗೂ ಕೋಣಾಜೆ ಬಳಿಯೂರಿನಲ್ಲಿ ನಿಲ್ಲಿಸಿದ್ದ ಹೀರೊ ಕಂಪೆನಿಯ ಫ್ಯಾಶನ್ ಪ್ರೋ ಬೈಕ್‌ನ್ನು ಕಳವು ಮಾಡಿದ್ದ.
