ಮಂಗಳೂರು:ದಕ್ಷಿಣ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ಶುಕ್ರವಾರ ನಡೆದ ಚುನಾವಣೆಯಲ್ಲಿ ಒಟ್ಟು ಶೇ.77. 56 ಮತದಾನವಾಗಿದೆ. ಬೆಳ್ತ೦ಗಡಿ ತಾಲೂಕಿನ ದುಗ೯ಮ ಪ್ರದೇಶದ ಬ೦ಜಾರುಮಲೆ ಮತಗಟ್ಟೆಯಲ್ಲಿ ಶೇ. 100 ಮತದಾನವಾಗುವ ಮೂಲಕ ಹೊಸ ಇತಿಹಾಸ ದಾಖಲಾಗಿದೆ. ಒಟ್ಟು 111 ಮತದಾರರಲ್ಲಿ ಎಲ್ಲಾ ಮತದಾರರು ಮತ ಚಲಾಯಿಸಿದ್ದಾರೆ. ಮತದಾನದಲ್ಲಿ ಕಳೆದ ಚುನಾವಣೆಯ೦ತೆ ಈ ಬಾರಿಯೂ ಸುಳ್ಯ ಪ್ರಥಮ ಸ್ಥಾನದಲ್ಲಿದ್ದು ಶೇ.83.01 ಮತದಾನವಾಗಿದೆ.
ದಕ್ಷಿಣ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ಒಟ್ಟು 1817 603 ಮತದಾರರಲ್ಲಿ 1409653 ಮ೦ದಿ ಮತ ಚಲಾಯಿಸಿದ್ದಾರೆ.
ಮಾಸ್ಟರಿಂಗ್ ಕೇಂದ್ರಗಳಿಂದ ಇವಿಎಂ, ವಿವಿಪ್ಯಾಟ್ ಮತ್ತು ದಾಖಲೆಗಳನ್ನು ಮತ ಎಣಿಕೆ ಕೇಂದ್ರವಾದ ಸುರತ್ಕಲ್ ನ ಎನ್ಐಟಿಕೆಯಲ್ಲಿ ದಾಸ್ತಾನಿ ಇರಿಸಲಾಗಿದ್ದು ಜೂ.4ರ೦ದು ಮತ ಎಣಿಕೆ ನಡೆಯಲಿದೆ.
ಬೆಳಗ್ಗೆ 7 ಗಂಟೆಯಿಂದ ಆರಂಭವಾದ ಮತದಾನ ಪ್ರಕ್ರಿಯೆ ಸಂಜೆ 6 ಗಂಟೆಗೆ ಮುಕ್ತಾಯ ಗಡುವು ನೀಡಲಾಗಿತ್ತು. ಸಂಜೆ 6 ಗಂಟೆಯ ಬಳಿಕ ಸರದಿ ಸಾಲಿನಲ್ಲಿದ್ದ ಮತದಾರರಿಗೆ ಚೀಟಿ ಮತದಾನಕ್ಕೆ ಅವಕಾಶ ಮಾಡಿಕೊಡಲಾಗಿದ್ದು ಕೆಲವು ಕಡೆ 7ಗಂಟೆಯವರೆಗೆ ಮುಂದುವರಿಯಿತು.ಯಾವುದೇ ಅಹಿತಕರ ಘಟನೆಗಳು ನಡೆಯದೆ ಶಾಂತಿಯುತ ಮತದಾನ ಜರಗುವ ನಿಟ್ಟಿನಲ್ಲಿ ಜಿಲ್ಲಾಡಳಿತ ವ್ಯಾಪಕ ಕ್ರಮಗಳನ್ನು ಕೈಗೊಂಡಿತ್ತು. ಪೊಲೀಸ್ ಇಲಾಖೆಯಿಂದಲೂ ಭದ್ರತಾ ವ್ಯವಸ್ಥೆಗಳನ್ನು ಆಯೋಜಿಸಲಾಗಿತು.
ಮತ ಯಂತ್ರಗಳಲ್ಲಿ ಕೆಲವು ತಾಂತ್ರಿಕ ದೋಷಗಳನ್ನು ಹೊರತುಪಡಿಸಿದರೆ ಬೆಳಗಿನಿಂದ ಸಂಜೆ 6 ಗಂಟೆಯವರೆಗೆ ಯಾವುದೇ ಗೊಂದಲವಿಲ್ಲದೆ ಮತದಾನ ಸುಸೂತ್ರವಾಗಿ ನಡೆದಿದೆ. ಮುಕ್ತ ಮತದಾನಕ್ಕೆ ಅವಕಾಶ ಕಲ್ಪಿಸುವ ದೃಷ್ಟಿ ಯಿಂದ ಕ್ಷೇತ್ರದ 1876 ಮತಗಟ್ಟೆಗಳಲ್ಲಿ ಬಿಗುಬಂದೋಬಸ್ತ್‌ ಮಾಡಲಾಗಿತ್ತು. ಕ್ಷೇತ್ರದಲ್ಲಿ ಕೆಲವು ಕಂಟ್ರೋಲ್ ಯೂನಿಟ್, ಬ್ಯಾಲೆಟ್ ಯೂನಿಟ್ ಹಾಗೂ ವಿವಿಪ್ಯಾಟ್‌ಗಳಲ್ಲಿ ದೋಷ ಕಂಡುಬಂದ ಹಿನ್ನೆಲೆಯಲ್ಲಿ ಅವುಗಳನ್ನು ಬದಲಾಯಿಸಲಾಯಿತು .
ಮತದಾನ ವಿವರ: ಒಟ್ಟು ಮತದಾನ 77. 56
ಬೆಳ್ತಂಗಡಿ ವಿಧಾನಸಭಾ ಕ್ಷೇತ್ರದಲ್ಲಿ : ಒಟ್ಟು ಮತದಾರರು -232817.
ಚಲಾವಣೆಯಾದ ಮತ-189289- ಶೇ.81.30
ಮೂಡಬಿದಿರೆ: ಒಟ್ಟು ಮತದಾರರು -210125
ಚಲಾವಣೆಯಾದ ಮತ -160767 .ಶೇ.76.51
ಮಂಗಳೂರು ಉತ್ತರ:ಒಟ್ಟು ಮತದಾರರು -255946
ಚಲಾವಣೆಯಾದ ಮತ-188825 .ಶೇ.73.78
ಮಂಗಳೂರು ದಕ್ಷಿಣ: ಒಟ್ಟು ಮತದಾರರು -252583
ಚಲಾವಣೆಯಾದ ಮತ -169669 .ಶೇ.67.17
ಮಂಗಳೂರು : ಒಟ್ಟು ಮತದಾರರು-210093
ಚಲಾವಣೆಯಾದ ಮತ -164637. ಶೇ.78.36
ಬಂಟ್ವಾಳ : ಒಟ್ಟು ಮತದಾರರು-230511
ಚಲಾವಣೆಯಾದ ಮತ -187361.ಶೇ.81.28
ಪುತ್ತೂರು : ಒಟ್ಟು ಮತದಾರರು-216675
ಚಲಾವಣೆಯಾದ ಮತ -175731.ಶೇ.81.10
ಸುಳ್ಯ : ಒಟ್ಟು ಮತದಾರರು-208853
ಚಲಾವಣೆಯಾದ ಮತ 173374-ಶೇ.83.01
